Inter Miami ka fituar Campeones Cup, pasi mposhti skuadrën meksikane Cruz Azul me rezultatin 2-0.
Lionel Messi ishte protagonist i fitores, duke zhbllokuar rezultatin në minutën e 24-t. Goli i dytë u shënua nga Casemiro, i cili vulosi suksesin e skuadrës së MLS-së.
Për Messin, ky është një tjetër trofe i shtuar në karrierën e tij të jashtëzakonshme. Argjentinasi ka fituar trofe me Barcelona-n, Paris Saint-Germain, Inter Miami dhe kombëtaren e Argjentinës, përfshirë tituj të La Ligës, Champions League, Kupën e Botës dhe Copa América.
Me golin ndaj Cruz Azul, Messi arriti gjithashtu një tjetër rekord me Inter Miamin, duke u bërë lojtari më i shpejtë në historinë e klubit për të arritur kuotën e 100 golave në të gjitha garat.
Goli ishte një tjetër moment historik për 39-vjeçarin, i cili vazhdon të shtojë rekorde dhe trofe në një prej karrierave më të suksesshme në historinë e futbollit.
