Partnerja e Klajdi Haruni, Orgesa, ka konfirmuar se shumë shpejt çifti do të organizojë dasmën e tyre.
E ftuar në emisionin “Goca dhe Gra”, ajo tregoi se ceremonia pritet të mbahet në Tiranë gjatë muajit qershor.
“Po, do të ketë dasmë. Do bëjmë dasmë sepse martesën e kemi bërë, mendojmë në Tiranë”, u shpreh Orgesa.
Ajo zbuloi gjithashtu se në dasmë nuk do të mungojë as Flori Mumajesi.
“Po patjetër, ku rri Flori pa kënduar. A ka ndonjë moment ku Flori nuk këndon”, tha ajo me humor.
Çifti janë prindër të një vajze dyvjeçare me emrin Hea, ndërsa ceremonia pritet të mbledhë familjarë, miq dhe emra të njohur të showbiz-it shqiptar.
