Xabi Alonso ka pranuar ofertën e Chelsea F.C. dhe pritet të jetë trajneri i ri i klubit londinez.
Spanjolli kishte mbetur pa skuadër që prej largimit nga Real Madrid CF në muajin janar, pas vetëm gjashtë muajsh në krye të madrilenëve.
Pavarësisht aventurës së shkurtër në Spanjë, Alonso vazhdon të konsiderohet si një nga trajnerët më premtues në Europë, sidomos pas suksesit historik me Bayer 04 Leverkusen, ku fitoi Bundesligën në vitin 2024.
Emri i tij ishte lidhur edhe me Liverpool F.C., skuadër ku ka luajtur për disa vite, por në fund ai ka zgjedhur projektin e Chelsea-t.
Sipas raportimeve, Alonso ka zhvilluar takime me drejtuesit e klubit në Londër dhe pritet të firmosë një kontratë katërvjeçare, ndërsa zyrtarizimi i marrëveshjes mund të vijë shumë shpejt.
