Ish-finalistja e “Ferma VIP”, Moza Ahmeti, ka folur për vonesën e pagesës së çmimit të fituar, duke treguar se situata kishte shkaktuar shqetësim tek ajo.
Gjatë një interviste, Moza tha se për një periudhë kishte pasur dyshime nëse shuma e premtuar do t’i dorëzohej, pasi pagesa po vonohej. Sipas saj, kjo situatë e kishte bërë të ndihej e pasigurt dhe të mendonte edhe për alternativa të tjera.
Megjithatë, ajo konfirmoi se paratë e çmimit tashmë kanë mbërritur dhe se çështja është zgjidhur.
“Falënderoj që më erdhën lekët e çmimit. I falënderoj. Jo për gjë, por u vonuan dhe na zuri frika, por erdhën”, tha Moza duke qeshur.
Ajo shtoi se tashmë gjithçka ka shkuar mirë dhe shprehu mirënjohjen e saj, duke përmendur edhe Holta Dulakun.
“Erdhën, kështu që çdo gjë ka shkuar për së mbari dhe Holta Dulakun e përqafoj”, u shpreh ajo.
