Presidenti i Aleksandar Vuçiq ka deklaruar se gjendja shëndetësore e ish-komandantit të Ushtrisë së Republikës Serbe, Ratko Mlladić, është shumë e rëndë.
“Jam informuar nga ministri i drejtësisë Nenad Vujiq se gjendja e tij është shumë e rëndë. Ai nuk ka mundur të ulet, është dërguar në spital në pozicion të shtrirë dhe ka qenë në gjendje të përgjigjet vetëm shkurt. Nuk e kuptoj pse dikujt nuk i lejohet të kalojë ditët e fundit jashtë qelisë së burgut. Por a jam i befasuar? Jo”, tha Vuçiq para gazetarëve në Beograd.
Ratko Mlladić është ish-komandant i Ushtrisë së Republikës Serbe gjatë luftës në Bosnje dhe Hercegovina në vitet 1992–1995 dhe po vuan dënimin e tij në Hagë për krime lufte.
