Katër persona kanë humbur jetën si pasojë e rrëzimit të një aeroplani të vogël pranë Medulin, në rajonin bregdetar të Istrias në Kroaci.
Sipas informacioneve paraprake, ekipet e shpëtimit dhe autoritetet kompetente kanë ndërmarrë kërkime intensive për gjetjen e dy personave të tjerë që rezultojnë të zhdukur pas aksidentit.
Rrethanat e plota të ngjarjes ende nuk janë bërë të ditura, ndërsa hetimet për shkaqet e rrëzimit të aeroplanit vazhdojnë. Autoritetet kroate pritet të publikojnë më shumë detaje pasi të përfundojnë verifikimet në vendngjarje.
