“Pas imazhit publik fshihet një realitet që pak e kuptojnë”: Rike Roçi thyen heshtjen dhe flet për sakrificat!
Rike Roçi ka surprizuar ndjekësit e saj me një postim mjaft të ndjerë dhe të sinqertë, duke na treguar anën tjetër të medaljes së jetës si një personazh publik.
Në një rrëfim të rrallë, ajo ka sqaruar se jeta si aktore dhe producente nuk është vetëm shkëlqim dhe suksese, por përfshin shumë punë të palodhur, disiplinë dhe sakrifica të mëdha. Rike shpjegoi se pas çdo projekti që ndjekësit shohin si “të lehtë” dhe “të bukur”, fshihet një presion i vazhdueshëm, ankth dhe lodhje që rrallëherë del në dritë.
“Ka momente kur gjithçka duket e rëndë dhe e papërballueshme, por unë vazhdoj përpara sepse ky është rrugëtimi që kam zgjedhur,” është shprehur ajo, duke shtuar se shpesh duhet të përballet edhe me njerëz që “mezi presin ta shohin të rrëzuar”.
Për Riken, suksesi nuk lidhet vetëm me rezultatin final, por me aftësinë për të qëndruar në këmbë përballë kritikave të vazhdueshme. Postimi i saj është mbyllur me një mesazh të fuqishëm: “Gjithmonë e vërtetë,” duke kërkuar pak më shumë mirëkuptim për realitetin që fshihet pas ekraneve.
