Kryeministri i Maqedonisë së Veriut, Hristijan Mickoski, ka reaguar ndaj akuzave të LSDM, duke thënë se gjatë periudhës së kaluar partia “jeton sipas Liza në botën e çudirave”, ndërsa shtoi se më shumë do ta cilësonte si “LSDM-ja në vendin e gënjeshtrave dhe konstruksioneve”.
Ai është shprehur gjithashtu i vendosur se nëse kthehet Nikolla Gruevski në Maqedoninë e Veriut, do të shkojë në burg.
Mickoski ka përmendur edhe akuzat e LSDM-së për bankrot të shtetit dhe emigrantë, duke thënë se ato nuk janë realizuar dhe se ekonomia ka pasur rezultate të mira. Ai tha se pensionet dhe pagat janë rritur dhe se është arritur marrëveshje me sindikatat për administratën shtetërore.
Në lidhje me investimet në telekomunikime, ai sqaroi se bëhet fjalë për procedurë publike dhe se kompania 4iG ka fituar të drejtën për operator të tretë celular, duke paguar 9 milionë euro. Sipas tij, procesi ka qenë transparent dhe i hapur për të gjithë operatorët e interesuar.
