Këngëtari Gold AG ka rrëfyer me emocione të forta se si e përjetoi lajmin për dënimin e ish-krerëve të Ushtrisë Çlirimtare të Kosovës në Hagë.
Ai tregoi se lajmi e tronditi aq shumë sa përjetoi një moment të rëndë fizikisht dhe emocionalisht, duke e krahasuar ndjesinë me atë të një infarkti.
“U bllokova dhe nuk munda të marr frymë”, rrëfeu këngëtari.
Në ato momente, pranë tij ishte edhe djali i vogël, i cili e pyeti se çfarë kishte.
“Pata djalin e vogël afër, më tha: ‘Çka ki babë?’. Edhe kam ikur. Nuk e dija çka po më ndodh”, tregoi Gold AG.
Ai tha se më pas doli nga shtëpia, hipi në makinë dhe u nis, ndërsa frika për gjendjen e tij e shoqëroi gjatë atij momenti.
“Edhe nëse vdes, mos të vdes para djalit”, tregoi këngëtari i përlotur.
