Bashkëshortja e aktorit Vis Pupa, Belina Pupa, ka folur në emisionin “Ferma Club” për eksperiencën e tij në spektaklin “Ferma VIP”, duke e vlerësuar sjelljen e tij brenda formatit dhe raportin me publikun.
Ajo tha se Vis Pupa është një person paqësor që nuk reagon me shpërthime emocionale:
“Një person që ka zgjedh paqen dhe që është njeri paqësor, nuk del prej vetes. Mendoja se një moment do shpërthej, por jo, dhe jam shumë krenare për këtë pjesë. Nëse ti zgjedh të jesh i vërtetë, çdo gjë që e bën e bën me pasion dhe kjo është ajo që Elvisi nuk ka zhgënjyer askënd në skenë. Nuk ka një rol që shqiptarët nuk e kanë dashuruar.”
Duke folur për raportet e tij me konkurrentët, ajo shtoi:
“E shoh njësoj me të gjithë. Me dikë rri më shumë. Visi nuk të jep shansin që ta nxjerrësh jashtë vetes. Të injoron.”
Në fund, Belina Pupa theksoi se publiku duhet të vendosë për fituesin, ndërsa për të më i miri mbetet bashkëshorti i saj.
