Pas ndarjes së shumëpërfolur nga Jashari, influencerja Hati është rikthyer sërish në qendër të vëmendjes së mediave rozë dhe rrjeteve sociale.
Së fundmi, në internet kanë qarkulluar disa fotografi ku ajo shihet në shoqërinë e një djali të panjohur për publikun. Pamjet, të publikuara fillimisht në një faqe në Instagram, kanë nxitur reagime të shumta dhe diskutime mes ndjekësve të saj.
Afërsia e tyre në fotografi ka bërë që në rrjet të nisin aludimet për një lidhje të mundshme romantike. Megjithatë, deri më tani nuk ka asnjë konfirmim nga vetë Hati dhe gjithçka mbetet në kuadër të spekulimeve.
Influencerja ka zgjedhur të mos komentojë këto zëra, duke lënë fansat kureshtarë për të mësuar më shumë rreth jetës së saj private.
