Projekti, i penguar për vite me radhë pas përplasjeve Ministria e Kulturës – Qytetit i Shkupit, do të përfundojë deri në fund të vitit 2027, në një kosto totale prej 20 milionë euro
Punimet për rindërtimin e Sallës Universale kanë nisur zyrtarisht të hënën. Projekti, i penguar për vite me radhë pas përplasjeve Ministria e Kulturës – Qytetit i Shkupit, do të përfundojë deri në fund të vitit 2027, në një kosto totale prej 20 milionë euro. Zbatimi i projektit është marrë përsipër nga Qeveria përmes Ministrisë së Kulturës dhe Turizmit, ndërsa kompetencat për objektin do t’i kthehen Qyteti të Shkupit pas përfundimit të rindërtimit.
Salla Universale po rindërtohet me modifikime në pjesën e skenës dhe zyrave, por në përgjithësi do të ruajë pamjen e saj origjinale. Ndërsa qeveria kërkon që dinamika e punimeve të përshpejtohet, në mënyrë që finalizimi të ndodhë para fillimit të projektit “Kryeqyteti Evropian i Kulturës”, ku Shkupi duhet të përfundojë me rikonstruktimin e gjitha objekteve infrastrukturore deri në vitin 2028.
“Sepse projekti i Kryeqytetit Evropian të Kulturës, pas të gjitha atyre pengesave në të kaluarën, më në fund po fiton njëfarë vrulli dhe ne duhet t’i mbyllim plotësisht të gjitha objektet deri në vitin 2028, një nga këto objekte është ky që e kemi lënë pas”, vuri në dukje kryeministri, Hristijan Mickovski, i pranishëm në inspektimin e objektit.
Ministri i Kulturës, Zoran Ljutkov, tha se inaugurimi do të shënohet me ndonjë ngjarje në fillim të vitit 2028. “Kishte pengesa ligjore, menaxhime të ndara midis Qytetit të Shkupit dhe Ministrisë së Kulturës, nuk dihej se kush ishte përgjegjës për këtë pjesë. Kur i zgjidhëm këto pengesa në të njëjtën kohë, vazhduam me të gjithë procedurën”, tha Lutkov.
Ajo që ka mbetur nga neglizhimi në vite i objektit që u la të degradohej, e më pas të digjej, është konstruksioni prej çeliku, kupola e cila nuk është dëmtuar. Sipas ministrit Lutkov, janë kryer disa teste në këtë drejtim, dy të parat të porositura nga vetë kontraktori, dhe rezulton se nuk ka rrezik për strukturën e çelikut.
Ish ministrja e Kulturës, Bisera Konstadinova Stojçevska, dhe ish kreu i Qytetit të Shkupit, Danela Arsovska, pas shumë polemikash arritën të dakordoheshin që kompetencat t’i kalonin MKT-së deri në përfundimin e punimeve, por përfshirja nga flakët e objektit, i riktheu procedurat në pikën zero, kështu që i gjithë procesi filloi nga e para. (koha.mk)
