MPB njofton se katër shtetas të Turqisë janë privuar nga liria në Shkup, pasi dyshohen se pas një mosmarrëveshjeje në trafik kanë goditur me veturë një motoçiklist dhe më pas e kanë sulmuar fizikisht.
Sipas policisë, më 25.05.2026 rreth orës 01:30, nëpunës policorë nga SPB Shkup kanë ndaluar O.A. (21), A.F.E. (21), T.A.B. (22) dhe A.I.O. (24), të gjithë nga Turqia.
Rasti ishte denoncuar më 24.05.2026 rreth orës 19:55 në zonën e Qendrës në Shkup, ku të dyshuarit, duke drejtuar një automjet tip “Audi”, fillimisht kanë goditur motorin e F.M. (20) nga Shkupi, i cili po punonte si furnizues, dhe më pas, sipas denoncimit, e kanë sulmuar fizikisht.
Nga MPB bëjnë të ditur se pas dokumentimit të plotë të rastit do të parashtrohet kallëzim përkatës.
