EVN Maqedoni ka bërë të ditur se të mërkurën, më 10 qershor 2026, disa pjesë të Shkupit dhe rrethinës do të mbeten përkohësisht pa energji elektrike për shkak të punimeve të planifikuara në rrjetin e shpërndarjes.
Sipas njoftimit, nga ora 08:30 deri në 15:30, pa furnizim me energji do të mbetet një pjesë e rrugëve Naum Naumovski-Borçe dhe Leninova (Aminta III) në Komunën Qendër. Ndër zonat e prekura përfshihen edhe objektet dhe ndërtesat përreth kompleksit “Kala”, “Atelje”, “Admiral” dhe lokacione të tjera afër tyre.
Ndërkohë, në fshatin Dollno Sonje, ndërprerja do të zgjasë nga ora 09:00 deri në 13:00, ku pa energji do të mbeten një pjesë e banorëve në rrugën 9, rrugën B, si dhe në rrugët 8 dhe 12.
Po ashtu, nga ora 09:00 deri në 15:00, furnizimi me energji elektrike do të ndërpritet edhe për një pjesë të zonës së Ribilimusit, në drejtim të fshatrave Mirkovc dhe Orizare.
Nga EVN apelojnë që qytetarët dhe subjektet afariste në zonat e prekura të marrin masat e nevojshme dhe të planifikojnë aktivitetet e tyre sipas orareve të paralajmëruara të ndërprerjeve.
