Komuna e Tetovës ka njoftuar se së shpejti do të nisë procesi i aplikimit për përfitimin e vauçerëve për nxënësit e regjistruar në klasën e parë. Lajmin e ka bërë të ditur kryetari i komunës, Bilall Kasami, përmes një njoftimi zyrtar.
Sipas informacionit të publikuar, aplikimi do të jetë i hapur nga data 23 qershor deri më 10 korrik 2026.
Kush ka të drejtë aplikimi?
Të drejtë për të përfituar nga kjo mbështetje kanë të gjithë nxënësit që janë regjistruar në klasën e parë deri më 22 qershor 2026.
Si bëhet aplikimi?
Prindërit duhet të ndjekin këto hapa:
- Formulari i aplikimit mund të merret fizikisht në Sektorin për Veprimtari Publike në Komunën e Tetovës ose të shkarkohet nga faqja zyrtare e komunës.
- Dokumentet e kompletuara dorëzohen pranë të njëjtit sektor, në Komunën e Tetovës.
Kjo masë vjen si mbështetje për familjet tetovare në përgatitjet për fillimin e vitit të ri shkollor për nxënësit e klasës së parë.
