Një 34-vjeçar nga Shkupi është arrestuar gjatë ditës së sotme në komunën Aerodrom, pasi dyshohet se ka kërcënuar dhe sulmuar fizikisht një zyrtar policor gjatë kryerjes së detyrës.
Sipas njoftimit të policisë, më 09.06.2026 rreth orës 11:00, zyrtarët e SPB Shkup kanë privuar nga liria D.S. (34) nga Shkupi.
Nga informacionet e para bëhet e ditur se ai është sjellë në mënyrë agresive ndaj policëve, duke u drejtuar kërcënime verbale gjatë veprimeve zyrtare. Situata më pas ka eskaluar, kur i dyshuari dyshohet se ka sulmuar fizikisht një prej zyrtarëve policorë.
Pas ndërhyrjes së policisë, personi është ndaluar dhe është shoqëruar për procedura të mëtejshme.
Autoritetet njoftojnë se pas dokumentimit të plotë të rastit, ndaj tij do të ngrihet kallëzimi përkatës në përputhje me ligjin.
