Çifti i shumëpërfolur, DJ i njohur Gimbo dhe fituesja e edicionit të pestë të “Big Brother VIP Albania”, Selin Bollati, po shijojnë ditë të paharrueshme në Budva të Malit të Zi.
Dyshja, lidhja e të cilëve lindi pikërisht brenda shtëpisë më të famshme në Shqipëri, duket më e lumtur se kurrë. Ka qenë vetë Gimbo ai që ka ndarë me ndjekësit në Instagram një foto romantike pranë pishinës, duke shfaqur atmosferën e këndshme verore që po kalojnë së bashku.
Që nga përfundimi i “Big Brother VIP Albania 5”, marrëdhënia e tyre ka tërhequr vazhdimisht vëmendjen e publikut, duke u shndërruar në një nga çiftet më të dashura për fansat. Me këto pushime në Mal të Zi, ata kanë konfirmuar edhe një herë se lidhja e tyre vazhdon të jetë e fortë dhe plot harmoni, larg angazhimeve të përditshme.
Postimet e tyre kanë marrë menjëherë një valë komentesh dhe pëlqimesh, duke dëshmuar se dashuria e tyre vijon të jetë në qendër të vëmendjes së fansave edhe pas përfundimit të reality show-t.
