Një debat i ri publik ka shpërthyer në rrjetet sociale mes deputetes Marjana Koçeku, e njohur si Neomalsorja, dhe ish-banorit të “Big Brother VIP Albania”, Rogert Sterkaj.
Gjithçka nisi pas një postimi të Koçekut, ku ajo përdori tone të ashpra dhe paralajmëroi se do të reagonte ndaj kujtdo që, sipas saj, do të cenonte familjen e saj. Deklarata e saj shkaktoi reagime të shumta dhe u komentua gjerësisht në rrjet.
Pas kësaj, Rogert Sterkaj publikoi një reagim në llogarinë e tij në Instagram, ku kritikoi mënyrën e komunikimit të deputetes dhe u bëri thirrje familjarëve të saj që ta largojnë përkohësisht nga rrjetet sociale.
“Një këshillë e sinqertë për familjen dhe miqtë e afërt të Marjana Koçekut: dikush duhet t’ia marrë telefonin dhe t’ia mbyllë Instagramin. Pikë!”, shkroi ai.
Sterkaj shtoi se reagimet e vazhdueshme me tone kërcënuese dhe polemizuese, sipas tij, dëmtojnë imazhin publik dhe besueshmërinë e një figure publike.
“Ndonjëherë zgjidhja më e mirë është të tërhiqesh për pak kohë, të reflektosh dhe të rikthehesh me më shumë qetësi”, u shpreh ai.
Shkëmbimi i deklaratave ka ngjallur diskutime të shumta në rrjetet sociale, ku ndjekësit kanë ndarë mendime të ndryshme lidhur me qëndrimet e dy figurave publike.
