Një incident është regjistruar në Burgun e Idrizovës, ku dy të burgosur janë përfshirë në një përleshje fizike brenda ambienteve të institucionit ndëshkues-përmirësues.
Sipas informacioneve të policisë, më 13 qershor 2026, rreth orës 01:47, në SPB Shkup është raportuar nga Burgu i Idrizovës se një ditë më parë, rreth orës 19:15, është prishur rendi dhe qetësia mes të dënuarve K.D. dhe B.M.
Si pasojë e përleshjes, i dënuari B.M. ka pësuar lëndime të rënda trupore, të cilat janë konstatuar në Qendrën Urgjente pranë kompleksit të klinikave “Nënë Tereza” në Shkup.
Autoritetet kompetente kanë nisur hetimet dhe po ndërmarrin masa për zbardhjen e plotë të rrethanave të ngjarjes.
