Aydın Çavusoglu, biznesmeni turk dhe vëllai i ish-ministrit të Jashtëm të Turqisë Mevlut Çavusoglu, ka ndërruar jetë pas një beteje 12-ditore për jetën.
Sipas raportimeve, ai ishte gjetur i plagosur rëndë nga të shtënat me armë zjarri në zyrën e tij në Alanya të Antalyas, më 5 maj.
Pas incidentit, autoritetet turke kishin nisur hetimet, ndërsa Zyra e Kryeprokurorit Publik të Alanyas kishte bërë të ditur se dy prokurorë ishin caktuar për rastin. Sipas hetimeve paraprake, nuk kishte prova për përfshirjen e një pale të tretë në ngjarje.
Ceremonia mortore për Aydın Çavusoglu do të mbahet të hënën, më 18 maj, në orën 14:00.
