Këngëtarja e njohur Nora Istrefi ka sjellë projektin e saj më të ri muzikor, këtë herë në bashkëpunim me Sinan Vllasaliu.
Kënga e re, e titulluar Paralele, është pjesë e projekteve të fundit që artistja ka paralajmëruar kohët e fundit. Ajo sjell një kombinim interesant mes stilit modern të Norës dhe elementeve tradicionale që e karakterizojnë prej vitesh Sinanin, duke krijuar një harmoni të veçantë mes dy artistëve.
Ky bashkëpunim shënon edhe një rikthim të tyre në një projekt të përbashkët, pas sukseseve të mëparshme që kanë realizuar së bashku.
Ndër bashkëpunimet më të njohura të tyre mbetet Pa fat, një këngë që pati jehonë të madhe dhe u prit shumë mirë nga publiku shqiptar.
