Këngëtarja e njohur me origjinë shqiptare, Rita Ora, ka gjetur kohë për pak relaks në bregdetin spanjoll, duke u shkëputur për disa momente nga angazhimet e saj intensive të turneut veror në Evropë.
Artistja ka tërhequr vëmendjen e fotografëve teksa po shijonte freskinë e detit, e veshur me një palë bikini dyngjyrëshe me printime kafshësh, të cilat i kishte kombinuar me një shami të kuqe. Rita është shfaqur në formë të shkëlqyer fizike, duke shfrytëzuar këto momente qetësie para se të vazhdojë me agjendën e saj të ngarkuar.
Ky pushim vjen pas një incidenti të papritur fundjavën e kaluar në Maltë, ku koncerti i saj në festivalin Gozo u anulua për shkak të një stuhie të fortë. Stuhia shkaktoi dëme të mëdha në pajisjet muzikore që kishin mbetur në skenë, gjë që e detyroi këngëtaren të kërkojë falje publike ndaj fansave të saj.
Pas qëndrimit në Spanjë, Rita Ora pritet t’i rikthehet skenës për të vazhduar turneun veror me koncerte të planifikuara në Zvicër, Austri, Finlandë dhe Hungari.
