Pesë persona janë arrestuar pas një përleshjeje fizike mes anëtarëve të dy familjeve që jetojnë në të njëjtën shtëpi në Tetovë.
Sipas policisë, konflikti nisi me një debat verbal, i cili më pas eskaloi në dhunë fizike.
Gjatë incidentit, 42-vjeçari me inicialet Sh.I. dyshohet se ka sulmuar me një send metalik tre të afërm të tij, duke u shkaktuar lëndime trupore.
Policia ka arrestuar pesë persona të përfshirë në ngjarje, ndërsa po ndërmerren veprimet e mëtejshme për zbardhjen e plotë të rastit.
