Një deklaratë e moderatorit Meriton Mjekiqi ka nxitur diskutime të shumta në rrjetet sociale dhe duket se ka sjellë një ftohje në raportin e tij me këngëtarin Luiz Ejlli.
Gjatë një emisioni të drejtuar nga Marina Vjollca, Meriton Mjekiqi e përmendi Luiz Ejllin si “emrin që i kishte bërë autogol karrierës së tij”, një koment që tërhoqi menjëherë vëmendjen e publikut.
Pas kësaj deklarate, ndjekësit vunë re se Luiz Ejlli nuk e ndjek më Meriton Mjekiqin në Instagram, duke shtuar dyshimet për një krisje në marrëdhënien mes tyre.
Ky zhvillim ka surprizuar shumë fansa, pasi dyshja kishte ruajtur më herët një raport të afërt. Pas fitores së Luizit në Big Brother VIP Albania, Meriton Mjekiqi e kishte intervistuar atë në Shtetet e Bashkuara të Amerikës, në një bisedë që u komentua gjerësisht dhe u prit pozitivisht nga publiku.
Deri më tani, as Luiz Ejlli dhe as Meriton Mjekiqi nuk kanë bërë ndonjë reagim të mëtejshëm publik lidhur me raportin e tyre apo me zhvillimet e fundit.
Ndërkohë, rrjetet sociale vazhdojnë të ziejnë nga komentet dhe aludimet, ndërsa mbetet për t’u parë nëse dy figurat e njohura të showbizit do të sqarojnë situatën në ditët në vijim.
