Këngëtarja e njohur Dafina Zeqiri ka ndarë me ndjekësit një moment të veçantë familjar, duke zbuluar gjininë e foshnjës që po pret.
Vetëm pak ditë pasi njoftoi se është në pritje të fëmijës së saj të dytë, artistja ka bërë të ditur se së shpejti do të bëhet nënë e një djali.
Lajmi është konfirmuar përmes disa fotografive të publikuara në rrjetet sociale, ku Dafina, bashkëshorti i saj Kreshnik Gjergji dhe djali i tyre shfaqen duke festuar momentin e veçantë.
Në një nga imazhet, vëmendjen e tërhoqi një tullumbace blu me mbishkrimin “It’s a Boy”, duke zbuluar se familja e tyre do të mirëpresë një tjetër djalë.
