Ylli shqiptar me famë botërore Dua Lipa dhe aktori britanik Callum Turner thuhet se kanë kurorëzuar dashurinë e tyre me martesë në një ceremoni private të zhvilluar më 31 maj 2026 në Londër.
Ceremonia është mbajtur larg vëmendjes së publikut, ndërsa detajet rreth saj kanë nisur të qarkullojnë vetëm pas përfundimit të ngjarjes.
Për ditën e veçantë, Dua u paraqit me një kostum të bardhë të realizuar posaçërisht nga shtëpia e modës Schiaparelli, nën drejtimin e stilistit Daniel Roseberry. Veshja përfshinte një xhaketë elegante në ngjyrë fildishi me detaje të arta dhe një fund modern me prerje asimetrike.
Pamja e saj u frymëzua nga stili i njohur i Bianca Jagger, e cila mbetet një nga ikonat më të njohura të modës së martesave.
Një nga detajet që tërhoqi më shumë vëmendje ishte varësja luksoze Serpenti nga Bvlgari, e punuar me ar të bardhë dhe diamante, vlera e së cilës raportohet të jetë mbi 500 mijë euro.
