Një aksident i rëndë trafiku ka ndodhur sot në aksin rrugor Strazhë–Kërçovë, pranë fshatit Trapçindoll, duke shkaktuar bllokim të plotë të komunikacionit për disa orë.
Sipas informacioneve të para, në aksident janë përfshirë tre vetura dhe një kamion me targa të Shqipërisë. Njëra nga veturat kishte targa hungareze, ndërsa tjetra targa të Kërçovës.
Në vendngjarje kanë dalë menjëherë ekipet e policisë dhe Ndihmës së Shpejtë, ndërsa deri tani nuk ka informacione zyrtare për numrin e të lënduarve.
Për shkak të aksidentit, qarkullimi në këtë segment rrugor u ndërpre dhe automjetet u orientuan nëpër rrugë alternative. Autoritetet po hetojnë shkaqet dhe rrethanat e aksidentit.
