Stresi ka njoftuar se do të hyjë zyrtarisht në politikë.
Përmes një postimi në rrjetet sociale, reperi bëri të ditur se do të kandidojë për një vend në Këshillin Kombëtar të Partia Demokratike.
Sipas Stresit, qëllimi kryesor i këtij angazhimi është përfaqësimi i të rinjve dhe rritja e rolit të tyre në vendimmarrje. Ai u shpreh se shumë të rinj ndihen të përjashtuar nga proceset politike dhe theksoi se është koha që zëri i tyre të dëgjohet më fuqishëm.
Reperi deklaroi se përvojat personale dhe sfidat e jetës e kanë afruar me problemet reale të rinisë shqiptare, ndaj synon të kontribuojë në krijimin e më shumë mundësive për të rinjtë në jetën publike dhe politike.
Në mesazhin e tij, Stresi u bëri thirrje të rinjve të angazhohen më shumë dhe të mos qëndrojnë pasivë ndaj zhvillimeve në vend.
