Benjamin Netanyahu tha të enjten se ka udhëzuar ushtrinë izraelite të marrë kontrollin deri në 70% të territorit të Gazës, duke deklaruar se operacionet ushtarake kundër Hamasit po vazhdojnë me intensitet.
Në një intervistë, ai u shpreh se Izraeli tashmë ka rritur kontrollin territorial nga 50% në rreth 60%, duke shtuar se objektivi është avancimi gradual në terren.
Sipas tij, Forcat e Mbrojtjes së Izraelit po shtrëngojnë kontrollin mbi Hamasin dhe po e zgjerojnë praninë ushtarake në Rripin e Gazës.
Raportimet ndërkombëtare kujtojnë se në fund të prillit, hartat e publikuara nga ushtria izraelite tregonin kontroll rreth 64% të territorit, ndërsa një marrëveshje armëpushimi e mëparshme kishte përcaktuar tërheqje në një vijë demarkacioni që linte rreth 53% nën kontroll izraelit.
CNN raporton se Hamasi ka akuzuar Izraelin për ndryshimin e vijës së armëpushimit, duke e cilësuar si shkelje të marrëveshjes dhe përshkallëzim të situatës.
