Ribashkim? Benita zbulon a e ka derën hapur

Ish-banorja e “Big Brother VIP Kosova”, Benita Zena, është shfaqur në publik në eventin privat të organizuar nga Londrimi me rastin e promovimit të EP-së së tij të parë.

Në mesin e miqve dhe bashkëpunëtorëve të artistit, Benita tërhoqi vëmendje me praninë e saj, duke dëshmuar se raporti miqësor i krijuar gjatë qëndrimit në shtëpinë e BBVK vazhdon edhe jashtë formatit.

Gjatë një interviste për “Prive by Liberta Spahiu”, Benita foli për herë të parë para kamerave pas disa muajsh mungesë nga vëmendja mediatike. Ajo komentoi edhe vendimin e saj të fundit për heqjen e fillerave, një hap që kishte ngjallur reagime në rrjetet sociale.

Sipas saj, ky ka qenë një vendim tërësisht personal dhe i marrë në momentin kur është ndier më rehat me pamjen e saj natyrale. Benita theksoi se nuk është ndikuar nga opinionet e të tjerëve dhe se, nëse në të ardhmen do të dëshirojë t’i rikthehet procedurave estetike, do ta bëjë pa hezitim.

Duke folur për marrëdhënien me Londrimin, ajo konfirmoi se miqësia e tyre vazhdon të mbetet e fortë edhe pas përfundimit të spektaklit.

Nga ana profesionale, Benita zbuloi se po përgatitet për një rikthim në muzikë. Ajo njoftoi se shumë shpejt do të publikojë projektin e saj më të ri, i cili do të mbajë titullin “Bugatti 2”.

Në fund të intervistës, Benita u pyet edhe për jetën sentimentale. Ajo u shpreh e prerë se nuk sheh asnjë mundësi për t’u rikthyer në një lidhje të kaluar.

“Ribashkim nuk ka. Benita çfarëdo që bën, nuk ribashkohet me kërkënd”, deklaroi ajo.

Me këtë qëndrim, ish-banorja la të kuptohet se kapitulli i saj me Endri është mbyllur përfundimisht, ndërsa vëmendja e saj tashmë është e përqendruar te vetja dhe projektet e reja profesionale.