Shqipëria ka humbur një nga figurat më qendrore të jetës politike dhe intelektuale të pasviteve ’90. Servet Pëllumbi, akademiku dhe ish-Kryetari i Kuvendit, u nda nga jeta në moshën 89-vjeçare.
Lajmi u konfirmua nga burime pranë familjes së tij, duke sjellë reagime të menjëhershme nga bota e politikës, akademia dhe opinioni publik, të cilët e vlerësojnë Pëllumbin si një prej “arkitektëve” të tranzicionit demokratik në vend.
Përtej politikës, ai ishte një profesor dhe filozof i spikatur. Autor i shumë veprave në shkencat sociale, ai kontribuoi në edukimin e brezave dhe zhvillimin e mendimit kritik shqiptar.
