Një lajm i trishtë ka prekur komunitetin e drejtësisë në Strugë. Në moshën 60-vjeçare është ndarë nga jeta prokurori Xhemal Lloga nga Novosella e Strugës.
Lloga për shumë vite ishte pjesë e sistemit të drejtësisë dhe ushtroi detyrën e prokurorit në Strugë, duke lënë pas një periudhë të gjatë angazhimi profesional.
Sipas informacioneve, ai vuante prej kohësh nga një sëmundje e rëndë.
Lajmi për ndarjen e tij nga jeta ka shkaktuar dhimbje te familjarët, të afërmit, miqtë dhe kolegët.
Varrimi do të zhvillohet sot, e enjte, në orën 15:00, në varrezat e fshatit Novosellë.
Ngushëllime familjes dhe të gjithë të afërmve. I lehtë i qoftë dheu!
