Erdogan: Nën 15 vjeç nuk do të kenë qasje në rrjete sociale në Turqi

Presidenti i Recep Tayyip Erdoğan ka bërë të ditur se qeveria turke do të forcojë ligjet për armët, pas një sërë sulmesh të rënda që kanë ndodhur në shkolla në vend.

Ai tha se do të ashpërsohen dënimet për personat që lejojnë ose u japin armë të miturve, si dhe po shqyrtohen masa më të rrepta për kontrollin dhe posedimin e armëve.

Këto vendime vijnë pas dy ngjarjeve të rënda: në Sanliurfa, një 19-vjeçar hapi zjarr në një shkollë të mesme duke plagosur 16 persona, ndërsa më pas u vetëvra. Një ditë më vonë, në Kahramanmaraş, një 14-vjeçar vrau tetë nxënës dhe një mësues me armën e babait të tij, përpara se edhe ai të gjendej i vdekur.

Erdoğan shtoi gjithashtu se qeveria po shqyrton kufizime të reja për përdorimin e mediave sociale nga të miturit, përfshirë verifikimin e identitetit dhe rregulla më të forta për platformat online.

Ai theksoi se kufizimi i rrjeteve sociale për fëmijët nën 15 vjeç do të ndihmojë në plotësimin e një boshllëku të rëndësishëm në mbrojtjen e tyre.