Dolce Gela konfirmon se është e dashuruar, por ruan misterin për partnerin

Ish-banorja e Big Brother VIP Kosova 4, Dolce Gela, ka tërhequr vëmendjen e ndjekësve me një deklaratë të fundit që ka nxitur reagime dhe komente të shumta në rrjetet sociale.

Pas përfundimit të eksperiencës së saj në shtëpinë më të famshme në Kosovë, interesi për jetën e saj private ka qenë i vazhdueshëm, veçanërisht sa i përket statusit sentimental.

Gjatë një bashkëbisedimi me ndjekësit në Instagram, Dolce iu përgjigj pyetjeve të ndryshme, ndërsa njëra prej tyre mori vëmendje të veçantë. E pyetur nëse ka dikë në zemrën e saj, ajo u përgjigj me një “Poooooo”, duke lënë të kuptohet qartë se është në një lidhje ose po përjeton një histori dashurie.

Megjithatë, Dolce nuk zbuloi asnjë detaj lidhur me personin që i ka fituar zemrën. Ajo zgjodhi të mbajë private identitetin e partnerit, pa dhënë informacione shtesë apo fotografi që mund të hedhin dritë mbi marrëdhënien e saj.

Deklarata e saj ka ngjallur menjëherë kureshtjen e fansave, të cilët kanë nisur të aludojnë dhe të spekulojnë për personin që qëndron pas kësaj romance.

Për momentin, Dolce duket e vendosur ta mbajë larg vëmendjes publike këtë pjesë të jetës së saj, ndërsa ndjekësit presin të mësojnë më shumë në të ardhmen.