Një rast i rëndë dhune në familje është raportuar në lagjen Aerodrom të Shkupit, ku një grua 33-vjeçare ka kërkuar ndihmën e policisë pasi pretendon se partneri i saj e ka sulmuar fizikisht dhe e ka kërcënuar me armë zjarri.
Sipas njoftimit të Ministrisë së Punëve të Brendshme, më 10 maj 2026, rreth orës 05:00, policia e SVR Shkup ka arrestuar B.A. (45) nga Shkupi, pas raportimit për dhunë në shtëpinë familjare në komunën e Aerodromit.
Ngjarja dyshohet se ka ndodhur një natë më parë, rreth orës 22:00, kur i dyshuari ka ushtruar dhunë fizike ndaj partneres së tij dhe më pas e ka kërcënuar me armë.
Gruaja ka deklaruar para policisë se kjo nuk ishte hera e parë që përballej me sjellje të dhunshme nga partneri, por deri tani nuk kishte pasur guxim ta denonconte rastin.
Pas arrestimit të të dyshuarit, autoritetet po ndërmarrin masa për zbardhjen e plotë të ngjarjes dhe priten procedurat e mëtejshme ligjore ndaj tij.
