Poetja e njohur Mimoza Ahmeti është fotografuar gjatë një mbrëmjeje në një restorant, ulur përballë një burri, ndërsa të dy duket se janë të përfshirë në një bisedë.
Fotografia nuk jep asnjë të dhënë të sigurt për identitetin e tij dhe nuk dihet nëse bëhet fjalë për mik, të afërm apo dikë më të afërt me të.
Pamja ka tërhequr vëmendjen edhe për faktin se Ahmeti ka folur publikisht gjatë muajve të fundit për jetën e saj sentimentale. Në prill të këtij viti, ajo tregoi për një lidhje me një partner rreth 25 vite më të ri, me origjinë nga Polonia, duke rrëfyer edhe për mënyrën se si kishin nisur të komunikonin.
Ahmeti ka folur ndër vite hapur edhe për martesat, marrëdhëniet, familjen dhe përvojat e saj personale.
Megjithatë, nuk ka konfirmim se personi në fotografinë e fundit është partneri për të cilin ajo ka folur më herët.
Fotoja ka ngjallur kureshtjen e ndjekësve, por identiteti i personit që ndodhet përballë saj mbetet i paqartë.
