Një situatë e papritur gjatë një eventi të organizuar nga Tayna ka tërhequr vëmendjen e rrjeteve sociale dhe ka nxitur reagime të shumta nga publiku.
Në mesin e të ftuarve ishin edhe ish-banorët e Big Brother VIP Kosova, Klodian Mihaj dhe Eljona Binakaj, të cilët u bënë pjesë e një momenti që po komentohet gjerësisht online.
Sipas pamjeve që po qarkullojnë në rrjet, gazetari Butrint Pasjaqa ishte duke realizuar një intervistë me Eljonën, kur në një moment në bisedë ndërhyri Klodiani.
Videoja tregon se ai afrohet pranë gazetarit dhe gjatë situatës krijohet një moment tensioni, ku sipas reagimeve të publikut duket se ka pasur edhe kontakt fizik mes tyre.
Pamjet janë shpërndarë gjerësisht në platformat sociale, duke nxitur komente të shumta. Një pjesë e ndjekësve e kanë konsideruar sjelljen e Klodianit si të papërshtatshme, ndërsa të tjerë kanë kërkuar më shumë sqarime rreth asaj që ka ndodhur gjatë mbrëmjes.
Deri më tani, të përfshirët në ngjarje nuk kanë dhënë një reagim të detajuar publik lidhur me incidentin që po vazhdon të komentohet në rrjetet sociale.
Për më shumë detaje, ndiqni videon e plotë:
