Festimet për triumfin e Paris Saint-Germain në finalen e Ligës së Kampionëve ndaj Arsenal u shoqëruan me incidente të shumta në mbarë France.
Sipas autoriteteve franceze, më shumë se 400 persona janë arrestuar pas përplasjeve mes tifozëve dhe policisë. Në Paris dhe qytete të tjera u raportuan trazira, zjarrvënie, dëmtime të automjeteve dhe bizneseve, ndërsa policia përdori gaz lotsjellës për të shpërndarë turmat.
Ministri i Brendshëm francez, Laurent Nuñez, bëri të ditur se disa policë mbetën të lënduar dhe i cilësoi ngjarjet si të papranueshme.
Ndërkohë, Marine Le Pen reagoi ashpër ndaj trazirave, duke kritikuar situatën e sigurisë në vend.
Pavarësisht incidenteve, lojtarët e PSG-së pritet të festojnë suksesin me një paradë në Paris dhe një pritje zyrtare nga presidenti Emmanuel Macron.
