José Mourinho pritet të jetë trajneri i ri i Real Madrid, pasi sipas raportimeve ka arritur marrëveshje me klubin madrilen dhe presidentin Florentino Pérez.
Sipas mediave ndërkombëtare, njoftimi zyrtar pritet të bëhet shumë shpejt, ndërsa “Los Blancos” do t’i paguajnë rreth 3 milionë euro Benfica për shkëputjen e kontratës së trajnerit portugez.
Ky do të jetë rikthimi i dytë i José Mourinho në stolin e madrilenëve, pasi ai e kishte drejtuar ekipin edhe nga viti 2010 deri në 2013, periudhë në të cilën fitoi titullin e La Liga.
Drejtuesit e Real Madrid besohet se e shohin Mourinhon si figurën ideale për të rikthyer disiplinën dhe autoritetin në skuadër, pas një sezoni zhgënjyes pa trofe.
Klubi madrilen pritet gjithashtu të jetë shumë aktiv në afatin kalimtar veror, me synimin për të rindërtuar ekipin për sezonin e ardhshëm.
