Më 26 gusht 1910, në Shkup lindi Gonxhe Agnesë Bojaxhiu, e njohur në mbarë botën si Nënë Tereza, një nga figurat më të njohura të humanizmit në historinë moderne.
Pas largimit nga Shkupi, ajo u vendos në Indi, ku nisi një jetë të përkushtuar ndaj njerëzve më të varfër dhe më të pambrojtur. Atje themeloi Misionaret e Bamirësisë, organizatë e cila më vonë u shtri në shumë vende të botës.
Për veprimtarinë e saj humanitare, Nënë Tereza u nderua në 1979 me Çmimin Nobel për Paqe.
Pjesën më të madhe të jetës e kaloi në Kalkuta, ku u kujdes për të varfrit, të sëmurët dhe njerëzit në nevojë.
Nënë Tereza ndërroi jetë më 5 shtator 1997, në Kalkuta, në moshën 87-vjeçare.
Sot, në përvjetorin e lindjes së saj, emri i Nënë Terezës vazhdon të lidhet me humanizmin, bamirësinë dhe përkushtimin ndaj njerëzve në nevojë.
