Rusia u kërkoi të enjten anëtarëve të Këshillit të Sigurimit të OKB-së të përmbahen nga “nxitja artificiale e tensioneve” brenda Këshillit, duke paralajmëruar për përshkallëzim të mëtejshëm në Lindjen e Mesme nëse miratohen “projekt-rezoluta konfrontuese”, transmeton Anadolu.
Në një deklaratë, Misioni i Përhershëm i Rusisë tha se Moska ka mbështetur ndërprerjen pa kushte të dhunës dhe një zgjidhje politiko-diplomatike për luftën e Iranit. Misioni tha se përshkallëzimi aktual në Lindjen e Mesme është pasojë e drejtpërdrejtë e agresionit të paprovokuar nga SHBA-ja dhe Izraeli kundër Iranit.
“Ne mbështesim iniciativat përkatëse të miqve tanë pakistanezë dhe shpresojmë se përpjekjet e tyre të ndërmjetësimit do të japin rezultatin e kërkuar”, theksoi misioni.
Deklarata vuri në dukje se është e rëndësishme të mbrohet pista diplomatike nga çdo provokim, përfshirë “retorikën agresive” dhe aktet e forcës, të cilat mund të prishin procesin tashmë të brishtë të negociatave.
“Ne i nxisim kolegët tanë të KS-OKB-së të përmbahen nga nxitja artificiale e tensioneve brenda Këshillit, duke shtyrë përpara projekt-rezoluta të njëanshme dhe konfrontuese, të cilat nëse miratohen mund të shkaktojnë valë të re përshkallëzimi në Lindjen e Mesme me pasoja të paparashikueshme”, thuhet mes tjerash në deklaratë.
Këngëtarja e njohur shqiptare, Nita Latifi, po shijon një periudhë të lumtur në jetën e…
Kryetari i Degës së BDI-së në Tetovë, Bajram Rexhepi, ka reaguar pas vendimit të Komunës…
Këngëtarja e njohur Adelina Thaçi nuk arriti të sigurojë një mandat deputeti në Kuvendin e…
Edhe pse kanë kaluar muaj nga ndarja e tij nga jeta, kujtimi dhe muzika e…
Ministria e Punëve të Brendshme po përgatit ndryshime në legjislacion me qëllim vendosjen e rregullave…
Këngëtari i njohur Butrint Imeri vazhdon të jetë në qendër të vëmendjes pas shpalljes së…