Sektori për Punë të Brendshme në Strumicë ka ngritur kallëzim penal në Prokurorinë Themelore Publike Strumicë ndaj një personi me inicialet B.P. (68) nga Strumica, për dyshimin e veprës penale “prodhim dhe shpërndarje e paautorizuar e narkotikëve dhe substancave psikotrope”, sipas nenit 215 të Kodit Penal.
Sipas njoftimit, më 2 prill 2026 në Strumicë, policia ka kryer kontroll ndaj personit dhe automjetit me targa të Strumicës që ai e drejtonte, ku janë gjetur pako me rreth 50 gramë kokainë.
Pas zbulimit të drogës, i dyshuari është ndaluar në stacionin policor në Strumicë, ndërsa me propozim të prokurorit publik është sjellë para gjykatës në Gjykatën Themelore Strumicë. Gjykata i ka caktuar masën e paraburgimit prej 30 ditësh.
Rasti po vazhdon të hetohet nga institucionet kompetente.
